Ո՞վ է պատասխան տալու ․․․
- Ani
- Sep 27
- 1 min read
ԱԺ պատգամավոր Թագուհի Թովմասյանի հրապարակումը․
«Հինգերորդ տարին՝ առանց Արցախի, առանց հազարավոր զոհված տղաների, առանց այն վստահության, որ պետությունն ունակ է պաշտպանելու իր քաղաքացիներին թե´ երկրի ներսում, և թե´ դրա սահմաններից դուրս։
5 տարի անց մենք ունենք․
Տասնյակ հազարավոր հայրենազուրկ ընտանիքներ, որոնց ապրուստի ու արժանապատվության մասին պետությունը պատշաճ չի հոգում։
Բազմաթիվ վիրավորներ ու հաշմանդամ դարձած հերոսներ, որոնց հոգսը մեծամասամբ մնացել է ընտանիքների կամ տարբեր ՀԿ-ների ուսերին։
Արցախի կորուստ և վտանգված ինքնիշխանություն Հայաստանում։
Անպատասխանատու իշխանություն, որը պատերազմի ճշմարիտ պատճառները, սխալները և պարտության հետևանքները մինչ օրս դեռ չի բացահայտել ժողովրդի առաջ։
Այսօր պարտավոր ենք հիշել ոչ միայն մեր հերոսներին, այլև հարցնել՝
Ո՞վ է պատասխան տալու։
Ո՞ւր է ռազմաքաղաքական հաշվետվությունը։
Ո՞ւր է այն ռազմավարությունը, որը պիտի ապահովեր Հայաստանի անվտանգությունը։
5 տարի անց մենք չունենք ոչ հաղթանակ, ոչ վստահություն, ոչ ապագայի հստակություն։ Բայց ունենք ժողովրդի հիշողությունը և մեր պարտքը՝ պայքարել հանուն արդարության, հանուն հայրենիքի վերականգնման ու հանուն այն տղաների, որոնք զոհվեցին, որ մենք ապրենք»։
