Հայցենք Սուրբ Գևորգ Զորավարի բարեխոսությունը՝ գերության մեջ գտնվող մեր հայրենակիցների համար
6 hours ago
1 min read
Սեպտեմբերի 26-ին Մուղնու Սուրբ Գևորգ եկեղեցում կկատարվի միասնական ժամերգություն։ Տեղեկությունը Հայ Առաքելական Եկեղեցու Արագածոտնի թեմից են հայտնում․
«Սիրելի՛ քույրեր և եղբայրներ, տեղեկացնում ենք ամենքիդ՝ սեպտեմբերի 26-ին, ժամը 19:00-ին Արագածոտնի թեմի Մուղնու Սուրբ Գևորգ եկեղեցում կկատարվի միասնական ժամերգություն և նախատոնակի արարողություն Սուրբ Գևորգ Զորավարի տոնին նախընթաց:
Հայցում ենք ամենքիդ աղոթական ներկայությունը՝ աղոթելու և հայցելու Սուրբ Գևորգ Զորավարի բարեխոսությունը՝ Սուրբ Եկեղեցու անսասանության, մեր հոգևոր հայրերի, հայրենիքի խաղաղության ու ապահովության, հայ ժողովրդի բարօրության, ինչպես նաև գերության մեջ գտնվող մեր հայրենակիցների համար»:
