Տեր Վրթանեսին կրկին վիրահատել են. սրտի ևս երեք ստենտ են տեղադրել
- Ani
- 3 hours ago
- 1 min read
Բյուրականի Սուրբ Հովհաննես եկեղեցու հոգևոր հովիվ տեր Վրթանես քահանա Բաղալյանին նախօրեին կրկին վիրահատել են. սրտի ևս երեք ստենտ են տեղադրել։ Այս մասին ասաց Վրթանես քահանա Բաղալյանի եղբայրը՝ տեր Արիստակես քահան Բաղալյանը։
«Սկզբում երկու ստենտ տեղադրեցին, հետո 72 ժամ անց, երբ վտանգավոր շրջանն արդեն անցավ, ևս երեք ստենտ տեղադրեցին։ Այս պահին առողջական վիճակը նորմալ է»,–ասաց տեր Արիստակեսը։
Հիշեցնենք, որ դեկտեմբերի 18–ին կաթողիկոսի հրաժարականը պահանջող եպիսկոպոսները գնացել էին Մայր Աթոռ` նամակ փոխանցելու։ Մայր աթոռում նույն ժամին նաև նախատեսված էր միասնական աղոթք, որին մասնակցելու և Գարեգին Բ–ին աջակցություն հայտնելու նպատակով Մայր տաճար էր գնացել նաև հավատավոր ժողովուրդը։ Իրավիճակը Մայր Տաճարի բակում լարվել էր այն բանից հետո, երբ Փաշինյանին հավատարմության երդում տված եպիսկոպոսների աջակիցները փորձում էին մռնել եկեղեցի և խոչընդոտել ժամերգությունը։ Նրանք հարվածում էին Մայր տաճարի դռներին և փորձում էին ներխուժել եկեղեցի։ Հենց այդ ժամանակ էր վատացել էր Բյուրականի Սուրբ Հովհաննես եկեղեցու հոգևոր հովիվ տեր Վրթանես քահանա Բաղալյանի ինքնազգացողությունը։ Շտապօգնության աշխատակիցները տեղում առաջին օգնություն ցուցաբերելուց հետո Տեր Վրթանեսին հոսպիտալացրել էին։ Հիվանդանոցում պարզվել էր, որ սրտմկանի ինֆարկտ է գրանցվել։
