Ադրբեջանցի զինծառայող Նասիմի Մուսաևի նկատմամբ կալանավորելու միջնորդություն է ներկայացվել
6 hours ago
1 min read
Քրեական վարույթի շրջանակում Ադրբեջանի Հանրապետության քաղաքացի Նասիմի Ռահիմ Օղլի Մուսաևի նկատմամբ կալանքը որպես խափանման միջոց կիրառելու վերաբերյալ միջնորդություն է ներկայացվել դատարան։ Այս մասին հայտնում են ՀՀ քննչական կոմիտեից։
Ավելի վաղ հայտնել էինք, որ հայ կնոջ վրա կրակած ադրբեջանցու նկատմամբ քրեական վարույթ է հարուցվել մի քանի հոդվածներով։
Սյունիքի Շաքի գյուղ ներթափանցած ադրբեջանցի զինծառայողը երեկ ցերեկը կրակել էր գյուղի բնակիչներից մեկի՝ 39-ամյա կնոջ ոտքին: Միջադեպը տեղի էր ունեցել կնոջ անչափահաս երեք երեխաների ներկայությամբ: Նրանցից երկուսը վնասվածքներ են ստացել:
