Զելենսկին խոստովանել է, որ Ուկրաինայի բյուջեում առաջացած խոռոչը խոչընդոտներ է ստեղծում կարևորագույն uպառազինnւթյան մշակման և արտադրության համար. Financial Times
Վլադիմիր Զելենսկին խոստովանել է, որ Ուկրաինայի բյուջեում առաջացած խոռոչը խոչընդոտներ է ստեղծում կարևորագույն սպառազինության մշակման և արտադրության համար, գրում է Financial Times թերթը՝ հարցազրույցի արդյունքներով, հաղորդում է ՌԻԱ Նովոստի-ն:
«Զելենսկին հայտարարել է, որ Ուկրաինան նաև բախվել է բյուջեի խոռոչի հետ, որը խոչընդոտում է պաշտպանական սպառազինության կարևորագույն տեսակների մշակմանն ու զանգվածային արտադրությանը»,- ասվում է հրապարակման նյութում։
Ավելի վաղ Ուկրաինայի վարչապետ Սերգեյ Կորեցկին հայտարարել է, որ ուկրաինական կառավարությունն անցել է առավելագույն խնայողության ռեժիմի։ Միևնույն ժամանակ նա հավելել է, որ դա բավարար չէ, և Ուկրաինայի համար կենսականորեն կարևոր է գումար ստանալ միջազգային գործընկերներից։ Նրա խոսքով՝ արևմտյան ֆինանսավորումն ուղղակիորեն կախված է Ուկրաինայի ստանձնած պարտավորություններից։
Վերջին մի քանի տարիների ընթացքում Ուկրաինան բյուջեն ձևավորում է ռեկորդային դեֆիցիտով։ Երկրի 2026 թվականի բյուջեն ընդունվել է 1,9 տրիլիոն գրիվնայի (45 միլիարդ դոլար) դեֆիցիտով։
