Երուսաղեմի Սուրբ Հակոբ վանքի տարածքում միզելու փորձ կատարած իսրայելցի հրեա տղամարդը բռնվել է
Երուսաղեմի հայկական թաղամասում գտնվող Սուրբ Հակոբ վանքի տարածքում միզելու փորձ կատարած իսրայելցի հրեա տղամարդը բռնվել է՝ նախքան անվտանգության հայ աշխատակցի միջամտելը։ Այդ մասին հայտնում է ֆեյսբուքյան «301» ալիքը։
Միջադեպը տեղի է ունեցել Երուսաղեմի Հին քաղաքում գտնվող հայ քրիստոնեական համայնքի և նրա սրբավայրերի դեմ ուղղված շարունակական ոտնձգությունների ալիքի ֆոնին։
Օգոստոսին վեց հրեա կրոնականներ, որոնցից հինգը անչափահասներ էին, ձերբակալվել են Սուրբ Հակոբ վանքի մուտքի մոտ թքելու, դարպասներին հարվածելու և համալիրի վրա քարեր նետելու համար։ Սեպտեմբերին Իսրայելի ոստիկանությունը ոստիկաններ է տեղակայել վանքի մոտ՝ փորձելով կանխել թքելու կրկնվող դեպքերը, բայց տեղակայումից հետո ավելի լուրջ դեպքեր են գրանցվել։
Այս վերջին միջադեպը հաջորդում է Երուսաղեմի հայ համայնքի վրա մեկ այլ հարձակմանը։ Այս ամսվա սկզբին Հին քաղաքի մոտ 9-ամյա հայ քրիստոնյա տղայի վրա արցունքաբեր գազ են ցողել։ «Մենք հոգնել ենք դրանից։ Մեր տունը դառնում է անճանաչելի։ Ամեն օր նոր միջադեպ է լինում, ամեն անգամ ավելի նողկալի, քան նախորդը։
Մենք զուգարան չենք։ Մեր արժանապատվությունն անընդհատ ոտնահարվում է։ Բավական է։ Դադարեցրեք»,- նշել է «301» Թղթակից Գեղամ Պալեանը։
