top of page

Արշակունյաց պողոտայում մեքենայից գnղացել են 1,5 մլն դրամ և մոնիտոր. 61-ամյա կասկածյալը ձերբակալվել է

6 hours ago
1 min read

Նոյեմբերի 15-ի առավոտյան ՆԳՆ օպերատիվ կառավարման կենտրոն զանգահարած քաղաքացին հայտնել է, որ գիշերը կոտրել են Արշակունյաց պողոտայի իրենց բակում կայանված ավտոմեքենայի ապակիները և գողություն կատարել

Ահազանգով մեկնած Շենգավիթի համայնքային ոստիկանները պարզել են, որ գողացել են մեքենայի մոնիտորը, մեկուկես միլիոն դրամ և այլ իրեր։ Պարզվել է նաև, որ փորձել են բացել նույն բակում կայանված մեկ այլ մեքենայի դռները, վնասել են տարբեր դետալներ։ Այս դեպքում վնասը մոտ 300,000 դրամ էր։

Նախաձեռնվել է քրեական վարույթ։ Համայնքային ոստիկանության Շենգավիթի բաժնի ծառայողները օպերատիվ-հետախուզական միջոցառումների արդյունքում պարզել են, որ գողությունն ու գույքի վնասումը կատարել է նույն պողոտայի բնակիչ 61-ամյա տղամարդը։ Նոյեմբերի 16-ի երեկոյան նա ձերբակալվել է, տեղափոխվել բաժին, որտեղ էլ խոստովանել է, որ նշված արարքները կատարել է ինքը։

Տղամարդը ներկայացվել է նախաքննական մարմին։ Գողոնը մասամբ հայտնաբերվել է։ Նախաքննությունը շարունակվում է։

1/3003
bottom of page