Մի կրակոց սահմանին, ու Նիկոլի ողջ նախընտրական քարոզը փոզմիշ ա լինելու․ Արթուր Դանիելյան

Նիկոլի օկուպացիոն վարչակազմն ունի երկու հենասյուն, գրել է «Ադեկվադ» միաբանության հիմնադիր  Արթուր Դանիելյանը։

«Նիկոլի ամորձիները Ալիևի ձեռքերում ա: Մի կրակոց սահմանին, ու Նիկոլի ողջ նախընտրական քարոզը փոզմիշ ա լինելու: Իրավիճակի միակ ելքը Ալիևի ձեռքից իր լծակը խլելն է՝ Նիկոլին հեռացնելը զուտ ներհայկական պրոցեսով:

Նիկոլի օկուպացիոն վարչակազմն ունի երկու հենասյուն` մեկը Ադրբեջանական սվինների սպառնալիքը, մյուս կողմից վարչակազմին շատ հարմար քաղաքական օպոնենտներին ջրի երերսի վրա պահելը: Փաշինյանը փաստացի երկու ասելիք ունի.

1) եթե ինձ հեռացնեք, Ադրբեջանը կհարձակվի,

2) իսկ եթե չհարձակվի էլ, գալու են նախկինները, որոնք ոչ մի ասելիք չունեն ու չեն էլ կարող ունենալ, քանի որ ունեն կապիտալի պահպանման խնդիր:

Այս կապիտալին Փաշինյանը չի ոտնձգում` դրա դիմաց ստանալով վերահսկողություն տիտղոսային ընդդիմության նկատմամբ: Այդ հսկայական կապիտալի տերերը երբեմն կոպեկներով մուծվում են Փաշինյանին դրա դիմաց ստանալով մնացած 99,9%-ի անվտանգության երաշխիք, մինչդեռ մենք բոլորս մուծվում ենք մեզ կլպողներին` հողերով, դպրոցներով, վանքերով, գերեզմաններով ու մեր երեխաների ապագայով:

Ձեզ թմրեցնելու համար կբեմադրվեն նախկին-ներկա սրացումները, արանքում 3-րդ ուժականներ ի հայտ կգան: Հասկանալով, որ անցողիկ շեմը հաղթահարելը խիստ կասկածելի ա Քոչարյանի սատելիտները Սերժ Սարգսյանի հակառեյտինգի վրա կփորձեն դիվիդենտ հավաքել: Սերժ Սարգսյանը, դրա հետ չհամակերպվելով, անընդհատ ջղաձգվելու է, որի արդյունքում իր շրջապատից էլի մարդիկ են հայտնվելու բանտերում: Տեր-Պետրոսյանի այն ժառանգները, որ չեն տեղավորվել Նիկոլի շարքերում, շարունակելու են փորձել խցկվել գոնե Ծառուկյանի մոտ: Քանի որ Էդմոնի համար Ծառուկյանը աշխատող սցենար չէ, նա կշարունակի փորձել Տաշիրի 4-րդ էշելոնում տեղ փնտրել: Տաշիրենք կսկսեն հոր արև երդվել, որ «նախկինների» հետ կապ չեն ունեցել երբեք: Ծառուկյանը շարունակելու է իշխանական բլոգերներին բերել, պարեցնել Հիսուսիս արձանի «աբալովկի» շուրջ, ՊՈԱԿ-ը դա տարածելու է, որ հարկ եղած դեպքում էս ուղղադավան քրիստոնյային կոխեն ընտրապայքարի մեջ քվե փոշիացնելու համար:

Ինձ վերջերս հաճախ են հարցնում, թե ի՞նչ եմ անելու գալիք ընտրություններին... Անկեղծ պատասխանում եմ բոլորին՝ չգիտեմ: Ով էլ ասում է, որ գիտի, սուտ է ասում: Չկա Հայաստանում մարդ, Փաշինյանից սկսած, ով վստահ կարող է ասել, թե ինչ է նա անելու երկու շաբաթից, ուր մնաց կես տարի հետո: Ասեմ ավելին, ես կարծում եմ, որ նույնիսկ աշխարհում նման մարդ չկա էս պահին: Ոչ Զելենսկին գիտի, ինչ է անելու իրեն առաջադրված կապիտուլյացիոն ուլտիմատումի հետ, ոչ Թրամփը գիտի ինչ է անելու մի 10 օրից, ոչ Պուտինը, ոչ էլ այլոք:

Մի բան կարող եմ վստահ ասել, եթե մասնակցեմ էլ, միակ օրակարգը լինելու է ներկա օկուպացիոն վարչակազմի ու իրենց կոլաբորանտ «նախկինների» կրկեսային ներկայացումը սաբոտաժի ենթարկելը: Տվյալ պահին ուրիշ ոչինչ անել հնարավոր չէ, ով էլ ասում է, որ հնարավոր է՝ սուտ է ասում, կամ լավագույն դեպքում, չարաչար սխալվում է», - գրել է նա։