Եգիպտոսի արտգործնախարարը մեկնել է ԱՄՆ՝ քննարկելու Թրամփի՝ պաղեստինցիներին Եգիպտոսում վերաբնակեցնելու առաջարկը
Եգիպտոսի արտգործնախարար Բադր Աբդելաթին մեկնել է Վաշինգտոն՝ հանդիպելու ԱՄՆ բարձրաստիճան պաշտոնյաների և Կոնգրեսի անդամների հետ այն բանից հետո, երբ ԱՄՆ նախագահ Դոնալդ Թրամփը հրապարակեց Գազայի բնակիչներին Եգիպտոսում և Հորդանանում վերաբնակեցնելու ծրագիրը:
Եգիպտոսի արտգործնախարարության հայտարարության համաձայն, Աբդելաթիի այցը նպատակ ունի «ամրապնդել Եգիպտոսի և ԱՄՆ-ի միջև երկկողմ հարաբերությունները և ռազմավարական գործընկերությունը» և ներառելու է «խորհրդակցություններ տարածաշրջանային իրադարձությունների վերաբերյալ»։
Ավելի վաղ Կահիրեն հայտարարել էր, որ փետրվարի 27-ին կանցկացնի արաբական արտակարգ գագաթնաժողով՝ քննարկելու պաղեստինցիների հետ կապված «վերջին լուրջ զարգացումները»։
Անցյալ շաբաթ Թրամփը հանդես եկավ Գազայի հատվածում ամերիկյան վարչակազմի ստեղծման գաղափարով՝ նախատեսելով պաղեստինցիներին վերաբնակեցնել այլ երկրներներում՝ մասնավորապես Եգիպտոսում և Հորդանանում։
Արաբական երկրները կտրականապես մերժեցին առաջարկը՝ պնդելով երկու պետությունների՝ Իսրայելի կողքին անկախ Պաղեստին պետության գոյության գաղափարը։
