Կասեցվել է «Լենինականի» ոչ ալկոհոլային գազավորված ըմպելիքների արտադրամասի գործունեությունը
- 2 hours ago
- 1 min read
Կասեցվել է «Լենինականի» ոչ ալկոհոլային գազավորված ըմպելիքների արտադրամասի գործունեությունը: Այս մասին հայտնում են ՍԱՏՄ-ից:
Սննդամթերքի անվտանգության տեսչական մարմնի տեսուչների կողմից վերահսկողություն է իրականացվել անհատ ձեռնարկատեր Հովսեփ Հակոբյանին պատկանող ոչ ալկոհոլային գազավորված ըմպելիքների արտադրամասում (Շիրակի մարզ, ք․ Գյումրի, ապրանքանիշը՝ «Լենինականի»):
Սանիտարահիգիենիկ նորմերի կոպիտ խախտումների հիմքով՝ արտադրամասի արտադրական գործունեությունը կասեցվել է:
Ի մասնավորի՝
- արտադրամասի հատակների, պատերի մակերևույթները պատրաստված չեն եղել անջրանցիկ, լվացվող, ախտահանվող նյութերից,
- առաստաղները ապահով չեն եղել, ինչը չի կանխարգելել կեղտի կուտակումը, բորբոսի առաջացումը և առաստաղից մասնիկների թափվելու հնարավորությունը, նպաստել է խոնավության խտացմանը,
- արտադրամասը սարքավորված չի եղել սանհանգույցով,
- չի եղել հանդերձարան անձնակազմի համար:
Տնտեսավարողին տրվել են հայտնաբերված խախտումները վերացնելու պարտադիր կատարման հանձնարարականներ, սահմանվել է ժամկետ:
