Բրեդ Փիթը բացահայտ խոսել է ալկոհոլային կախվածության դեմ պայքարի մասին

61-ամյա Օսկարի մրցանակակիր Բրեդ Փիթը «Armchair Expert» պոդքաստի վերջին թողարկման մեջ Դաքս Շեփարդի հետ ներկայացրել է Անանուն Ալկոհոլիկների (AA) ծրագրին մասնակցելու իր անձնական պատմությունը։ Դերասանները, ինչպես պարզվեց, հանդիպել են այդ հանդիպումներից մեկի ժամանակ։

«Սա զարմանալի համայնք է», - ասում է Փիթը։ - Պարզապես անհավանական տղամարդիկ, որոնք կիսում են իրենց փորձը, թուլությունները, սխալները, ցանկությունները, ցավը… և այս ամենը հումորով։ Դա իսկապես յուրահատուկ էր»։ 50-ամյա Շեփարդը, ով վաղուց է բացահայտ խոսում իր կախվածության և սթափության ճանապարհի մասին, խոստովանել է, որ սկզբում նա տատանվում էր հրապարակայնորեն քննարկել իրենց հանդիպումը AA-ի շրջանակներում։ Նրա խոսքով՝ նման հանդիպումները պահանջում են «առավելագույն անկեղծություն և խոցելիություն»։

Դերասանը խոստովանել է, որ AA է եկել իր կյանքի դժվարին պահին. «Ես բառիս բուն իմաստով ծնկած էի։ Ես լիովին բաց էի։ Ես փորձեցի ամեն ինչ, ինչ ինձ առաջարկվում էր։ Դժվար ժամանակներ էին, ինձ անհրաժեշտ էր վերագործարկում, ինձ անհրաժեշտ էր, այսպես ասած, «արթնանալ»։ Դա ինձ համար շատ բան էր նշանակում»։

Փիթն իրեն նկարագրել է որպես «համառ սրիկա», բայց միևնույն ժամանակ նշել, որ կարող է ընդունել իր սխալները։ «Եթե ես խառնվեմ անպետք բաների մեջ, ընդունում եմ դա։ Ես պատասխանատվություն եմ կրում։ Եվ հետո հարցն այն է. հիմա ի՞նչ անել։ Ինչպե՞ս շտկեմ դա և թույլ չտամ, որ դա կրկին պատահի»։ Ժամանակի ընթացքում АА հանդիպումները դարձել են նրա կյանքի կարևոր մասը։

Դերասանը իր սթափության մասին առաջին մանրամասները ներկայացրել է 2019 թվականին «Նյու Յորք Թայմս»-ին տված հարցազրույցում՝ նշելով, որ սկսել է հաճախել ԱԱ-ների 2016 թվականին՝ Անջելինա Ջոլիի ամուսնալուծության դիմումից կարճ ժամանակ անց։ «Իսկապես ազատագրող էր ցույց տալ իմ մութ կողմերը։ Դրա մեջ հսկայական արժեք կա», - այն ժամանակ նշել էր Փիթը։

Այսօր դերասանը խոստովանում է, որ այս փորձը օգնել է իրեն վերադառնալ կյանք և դառնալ ավելի ուժեղ։