Ես չեմ տեսնում Թուրքիայից ՀՀ ինքնիշխանությանը վտանգ. ռուսական ռազմաբազայի ներկայությունը Թուրքիայի հետ չեմ ուզում կապել. Սիմոնյան
Ես չեմ տեսնում Թուրքիայից ՀՀ ինքնիշխանությանը վտանգ, ռուսական ռազմաբազայի ներկայությունը Թուրքիայի հետ չեմ ուզում կապել: Այս մասին ճելազրույցի ժամանակ ասել է ԱԽՔ Ալեն Սիմոնյանը:
«Օգոստոսի 8-ից սկսած՝ ընդհանրապես որևէ վտանգ չեմ տեսնում, ինչու՞ պետք է ինչ-որ բան խզենք կամ ընդլայնենք, գոյություն ունի իրականություն, Հայաստանի Հանրապետությունը 30 տարուց ավելի ապրել է կոնֆլիկտի մեջ, Ռուսաստանի դաշնությունը չի եղել կոնֆլիկտի մեջ, և աշխարհի հետ չի ունեցել այն հարաբերությունները, որ ունի հիմա:
Ակնհայտ է՝ ուզես, թե չուզես, հարաբերությունները չեն կարող նույնը լինել, որովհետև Հայաստանի Հանրապետությունը Ադրբեջանի Հանրապետության հետ այլևս կոնֆլիկտ չունի, իսկ երրորդ խաղացող, տնտեսական շուկաները, քաղաքական գին հասկացողությունները փոխվել են, միջին միջանցքի գաղափարն է ի հայտ եկել, որը իրագործվում է, կոմունիկացիաներն են բացվում, Հայաստանը Ադրբեջանից գնումներ է անում:
Նույնը Ռուսաստանի մասին կարելի է ասել, Ռուսաստանում էլ է շատ բան փոխվել, և սա չի կարող որևիցե բան չփոխել տնտեսական հարաբերությունների մեջ: Մենք երբևիցե և որևիցե հանդիպման ժամանակ ռազմաբազա բառը չենք օգտագործել, իսկ Ռուսաստանի կողմից այդ արտահայտությունը հնչել է, ու կարելի է ենթադրել, որ իրենք ինչ-որ քննարկելու բան ունեն, Հայաստանի Հանրապետության դիրքորոշումն էլ երկրի վարչապետն ասել է՝ եթե իրենք ուզում են, կարող են լքել, եթե ուզում են, կարող են մնալ»,- նշել է նա:
