Իրանը հայտնել է, որ Սիրիայում հեղաշրջմանը ԱՄՆ եւ Իսրայելի մասնակցության մասին ապացույցներ ունի
Ռազմական հեշաղրջումը Սիրիայում պլանավորված էր ԱՄՆ եւ Իսրայելի կողմից «հարեւան երկրի» աջակցությամբ, Իրանը դրա ապացույցներ ունի։ Այս մասին հայտնել է Իրանի գերագույն առաջնորդ Ալի Խամենեին ժողովրդին հղած ուղերձում։
«Որեւէ կասկած չպետք է լինի, որ այն, ինչ տեղի ունեցավ Սիրիայում, ամերիկացիների եւ սիոնիստների (նկատի ունի իսրայելցիներին) համատեղ պլանն է։ Այո, Սիրիային հարեւան մի պետություն եւս իր դերն է խաղացել եւ խաղում է ցայժմ։ Բայց հիմնական դավադիրները <...> եղել են ԱՄՆ-ը եւ սիոնիստները։ Կան դրա վկայություններ»,- Խամենեիի խոսքերը մեջբերել է SNN հեռուստաալիքը։
