Մետաբոլիկ սինդրոմ ունեցող մարդկանց մոտ Պարկինսոնի հիվանդության զարգացման հավանականությունը 40%-ով բարձր է․ Neurology

Նոր հետազոտությունը ցույց է տվել, որ մետաբոլիկ սինդրոմով մարդիկ 40%-ով ավելի հավանական է, որ Պարկինսոնի հիվանդություն ձեռք կբերեն։

Հետազոտության արդյունքները հրապարակվել են Neurology ամսագրում։

Մետաբոլիկ սինդրոմը ներառում է այնպիսի վիճակներ, ինչպիսիք են բարձր արյան ճնշումը, ճարպակալումը, արյան մեջ խոլեստերինի և շաքարի բարձր մակարդակը, որոնք մեծացնում են սրտանոթային հիվանդությունների, ինսուլտի և 2-րդ տիպի շաքարախտի ռիսկը։

467 200 մարդու ընդգրկող հետազոտության արդյունքում, որոնց 38%-ը մետաբոլիկ սինդրոմ է ունեցել, պարզվել է, որ այդ մարդկանց մոտ Պարկինսոնի հիվանդության զարգացման հավանականությունն ավելի բարձր է՝ համեմատած նրանց հետ, ովքեր չեն ունեցել մետաբոլիկ սինդրոմ։ Բացի այդ, ամենամեծ ռիսկը նկատվել է մետաբոլիկ սինդրոմով և Պարկինսոնի հիվանդության բարձր պոլիգենիկ ռիսկ ունեցող մասնակիցների մոտ։

Այս բացահայտումը ընդգծում է մետաբոլիկ սինդրոմի հետ կապված վիճակը վերահսկելու կարևորությունը՝ որպես Պարկինսոնի հիվանդության հնարավոր փոփոխվող ռիսկի գործոն: Այնուամենայնիվ, լրացուցիչ հետազոտություններ են անհրաժեշտ՝ այդ արդյունքները հաստատելու և մետաբոլիկ սինդրոմի ու Պարկինսոնի հիվանդության զարգացման միջև կապի մեխանիզմները հասկանալու համար:

Գիտնականները նշում են, որ մետաբոլիկ սինդրոմի կանխարգելումն ու բուժումը, ներառյալ խոլեստերինի, արյան մեջ շաքարի, արյան ճնշման կառավարումը և առողջ քաշի պահպանումը, կարող են կարևոր քայլեր լինել Պարկինսոնի հիվանդության զարգացման ռիսկը նվազեցնելու համար։