Ֆրանսահայ սոպրանո Մարի Մյուլլեր Սիմոնյանն արժանացել է Վիեննայի Բեթհովենի անվան մրցույթի առաջին մրցանակին.

Ֆրանսահայ սոպրանո Մարի Մյուլլեր Սիմոնյանն արժանացել է Վիեննայի Բեթհովենի անվան մրցույթի առաջին մրցանակին.

23 սեպտեմբերի, 2024թ

Սեպտեմբերի 19-ին ժյուրիի միաձայն որոշմամբ ֆրանսահայ օպերային երգչուհի և սոպրանո Մարի Մյուլլեր Սիմոնյանն արժանացել է Վիեննայի Բեթհովենի անվան մրցույթի առաջին մրցանակին։ Սա մեր հայրենակցի առաջին հաղթանակն է միջազգային մրցույթում։

21-ամյա Մարին ծնվել է Փարիզում, մեծացել է երաժշտական ​​միջավայրում և դաշնակահարուհի և երգեհոնահար Նարինե Սիմոնյանի դուստրն է։ Սովորել է Բուլոնի և Փարիզի կոնսերվատորիաներում՝ միաժամանակ երգեհոնային և երգարվեստի բաժիններում։

2023 թվականին Մարին իր մասնագիտական ​​փորձը շարունակել է Երևանի օպերային ստուդիայում՝ Լևոն Ջավադյանի ղեկավարությամբ։

Ինչպես ՕՐԵՐ-ին հայտնեց երգչուհին, առաջիկայում՝ հոկտեմբերի 19-ին, Մարին մենահամերգով հանդես կգա Երեւանի ֆիլհարմոնիայի Առնո Բաբաջանյան համերգասրահում, որտեղ նրան նվագակցելու է դաշնակահար Հովհաննես Մանուկյանը, իսկ նոյեմբերի 2-ին ելույթ կունենա Ք. Կոմիտասի անվան կամերային երաժշտության տանը՝ Նարինե Սիմոնյանի նվագակցությամբ։