«Հայելային» մանրէներն աննախադեպ սպառնալիք են Երկրի վրա կյանքի համար. գիտնականներ

Աշխարհի առաջատար գիտնականները կոչ են արել դադարեցնել «հայելային կյանքով» մանրէների ստեղծման հետազոտությունը՝ մտավախություն հայտնելով, որ սինթետիկ օրգանիզմներն աննախադեպ սպառնալիք են Երկրի վրա կյանքի համար:

Նոբելյան մրցանակակիրների և այլ փորձագետների միջազգային խումբը զգուշացնում է, որ բնության մեջ հայտնաբերված մոլեկուլների հայելային պատկերներից ստեղծված հայելային բակտերիաներն ընդունակ են գրավելու շրջակա միջավայրը և հաղթահարել բնական օրգանիզմների իմունային պաշտպանությունը՝ մարդկանց, կենդանիներին և բույսերին մահացու վարակների վտանգի ենթարկելով։

Թեև կենսունակ «հայելային» մանրէների ստեղծումն, ըստ ամենայնի, կպահանջի առնվազն մեկ տասնամյակ, նոր ռիսկերի գնահատումն այնպիսի լուրջ մտահոգություններ է առաջացրել օրգանիզմների վերաբերյալ, որ 38 անդամներից բաղկացած գիտնականների խումբը կոչ է արել դադարեցնել այդ նպատակի ուղղությամբ աշխատանքը և ֆինանսավորողներին խնդրել է հստակ հայտարարել, որ այսուհետև չեն աջակցի հետազոտություններին:

Տեխնոլոգիայի վերաբերյալ նոր մտահոգություններն ուրվագծված են 299 էջանոց զեկույցում և Science գիտական հանդեսի մեկնաբանության մեջ: Չնայած հայելային մոլեկուլների վերաբերյալ հետազոտությունների վերաբերյալ խանդավառությանը, զեկույցում հայելային մանրէների առնչությամբնն զգալի ռիսկեր են նշվում, կոչ անելով աշխատանքի համաշխարհային քննարկում անցկացնել: