Մինչեւ 2030 թվականը կանայք ավելի շատ գումար կտնօրինեն, քան երբեւէ
- Ani
- Dec 11, 2024
- 1 min read
Համաշխարհային միտումները նպաստում են հարուստ եւ միլիարդատերեր կանանց թվի ավելացմանը: Ընդամենը մի քանի տարի հետո կանայք ավելի շատ փող կտնօրինեն, քան երբեւէ:
Ակնկալվում է, որ մինչեւ 2030 թվականը ԱՄՆ-ում կանայք կվերահսկեն 34 տրիլիոն դոլար, որը կազմում է բոլոր ներդրվող ակտիվների մոտ 38 տոկոսը, հաղորդում է Bloomberg-ը:
«Կանայք գնալով դառնում են տնային տնտեսությունների ֆինանսական ժառանգության ղեկավարներ, եւ նրանք կարեւոր դերեր են ստանձնում ֆինանսական որոշումների հարցում», - Bloomberg-ին ասել է Dynasty Financial Partners-ի Dynasty ադապտիվ առաջնորդության ինստիտուտի ղեկավար Քեյսի Յորգենսենը:
Այս միտումը միայն ԱՄՆ-ում չէ. Արեւմտյան Եվրոպայում ակնկալվում է, որ մինչեւ 2030 թվականը կանանց ֆինանսական ակտիվները կավելանան 45 տոկոսով՝ այսօրվա մոտ 4,6 տրիլիոն եվրոյի դիմաց, նշում է McKinsey-ն: Ակնկալվում է, որ այս ակտիվներն այսուհետ տարեկան կավելանան 8,1 տոկոսով՝ տղամարդկանց 2,7 տոկոսի համեմատ։ Եթե այս թվերը շարունակվեն, ապա հաջորդ տասնամյակի սկզբին կանայք կարող են հասնել տղամարդկանց:
Ընդհանուր առմամբ, կանայք տարիների ընթացքում սկսել են ավելի ու ավելի շատ փող վերահսկել: Այժմ կա առնվազն 62 կին միլիարդատեր: Իսկ ծայրահեղ բարձր կարողություն ունեցող կանանց թիվը 2010 թվականի 6,5 տոկոսից 2023 թվականին աճել է մինչեւ 11 տոկոս: