Գերմանիայի և Ադրբեջանի ԱԳ նախարարները քննարկել են Բաքվի և Երևանի միջև կարգավորման գործընթացը
- Ani
- Nov 22, 2024
- 1 min read
Բաքվում կայացել է Ադրբեջանի և Գերմանիայի արտաքին գործերի նախարարների հանդիպումը։
Ինչպես հաղորդում է ԱՊԱ-ն՝ վկայակոչելով Ադրբեջանի ԱԳՆ-ին, Ջեյհուն Բայրամովը և Անալենա Բերբոքը քննարկել են երկկողմ և բազմակողմ օրակարգը, ինչպես նաև COP29-ի շրջանակներում ընթացող բանակցությունները։
«Նախարարները քննարկել են նաև տարածաշրջանում հետհակամարտային իրավիճակը, ադրբեջանա-հայկական հարաբերությունների կարգավորման ներկա վիճակը և խաղաղ գործընթացում առկա խնդիրները։ Նախարար Ջեյհուն Բայրամովը ևս մեկ անգամ մտահոգություն է հայտնել Ադրբեջանի դեմ համակարգված կողմնակալ և անհիմն զրպարտչական արշավի կապակցությամբ»,- մեջբերում է աղբյուրը։
Հիշեցնենք, որ Բաքու ճանապարհին Բերբոքն այցելել էր Երեւան։
