ՆԱԽԱԳԱՀԱԿԱՆ ԸՆՏՐՈՒԹՅՈՒՆՆԵՐ՝ ՊԱՏԵՐԱԶՄԻ ՓՈԽԱՐԵՆ. ԱՄՆ-Ն ՄԵԾԱՑՆՈՒՄ Է ՃՆՇՈՒՄԸ
- Ani
- Feb 4
- 1 min read
Ուկրաինան և ԱՄՆ-ն չեն քննարկել մինչև 2025 թվականի ավարտը երկրում ընտրություններ անցկացնելու հնարավորությունը։ Միաժամանակ, եթե Սպիտակ տան թիմը բարձրացնի այս հարցը, Կիևը պատրաստ է քննարկել այն։ Այս մասին հայտարարել է ԱՄՆ-ում Ուկրաինայի դեսպան Օքսանա Մարկարովան։
«Երբ այս հարցը տեսականորեն քննարկվեց՝ 2023-24 թվականներին, մեր դիրքորոշումն այն էր, որ դրա համար պետք է դադարեցնել ռազմական գործողությունները: Պատերազմի ժամանակ մենք չենք կարողանա լիարժեք հասանելիություն ապահովել քվեարկության և թեկնածության համար», - ասաց Մարկարովան:
Հիշեցնենք՝ Թրամփի վարչակազմը ցանկանում է, որ Ուկրաինան ընտրություններ անցկացնի, եթե նրան հաջողվի համաձայնության գալ հրադադարի շուրջ առաջիկա ամիսներին։
Այս մասին հայտարարել է Ուկրաինայի և Ռուսաստանի հարցերով ԱՄՆ հատուկ ներկայացուցիչ Քիթ Քելլոգը։
Նախագահ Զելենսկու պաշտոնավարման ժամկետը լրացել է անցյալ տարվա մայիսին, սակայն երկրի սահմանադրությամբ նա շարունակում է ղեկավարել երկիրը՝ ռազմական դրության պատճառաբանությամբ: Պուտինն իր հերթին բազմիցս ոչ լեգիտիմ է համարել Ուկրաինայի առաջնորդին, նշելով, որ ռուսական կողմը բանակցություններ կարող է վարել Կիևի ցանկացած ներկայացուցչի հետ, բացառությամբ՝ Զելենսկու:
