5 բալանոց երկրաշարժ՝ Թուրքիայի արևելքում

Թուրքիայի արևելքում գտնվող Էլազըգ նահանգում 5 մագնիտուդ ուժգնությամբ երկրաշարժ է գրանցվել, հայտնում են թուրքական լրատվամիջոցները՝ հղում անելով իրենց երկրի արտակարգ իրավիճակների կառավարման ծառայությանը՝ AFAD-ին։

Նշվում է, որ երկրաշարժի օջախը գտնվել է 16 կմ խորության վրա, իսկ ցնցումներն զգացվել են նաև հարևան շրջաններում։ Հնարավոր ավերածությունների, տուժածների կամ մահացածների մասին տեղեկություն դեռևս չի հաղորդվում։

Նշվում է նաև թուրքական բնակավայրերում խուճապի տարածման մասին։ Հրապարակումների համաձայն՝ բնակիչները զանգվածաբար լքել են իրենց տները։