Խոսրովի արգելոցում բռնկված հրդեհը մեկուսացվել է
Jul 26, 2025
1 min read
Խոսրովի արգելոցում բռնկված հրդեհը մեկուսացվել է, հայտնում է ՆԳՆ խոսնակ Նարեկ Սարգսյանը։
Խոսրովի արգելոցի տարածքում բռնկված հրդեհի մարման աշխատանքին ներգրավված են ՆԳՆ Փրկարար ծառայության և Ոստիկանության մեծաթիվ ուժեր, Խոսրովի անտառ պետական արգելոց ՊՈԱԿ-ի, Էկոպարեկային ծառայության, գործընկեր կառույցների աշխատակիցներ, բնակիչներ:
Հրդեհաշիջմանը ներգրավվել է նաև ՊՆ ուղղաթիռ: Դժվարամատչելի հատվածում փրկարարները կանխել են կրակի տարածումը:
Հրդեհը մեկուսացվել է: Հրդեհաշիջման աշխատանքները շարունակվում են:
Սահմանվելու է նաև հերթապահություն:
