Քիմ Քարդաշյանը երեխաներին «վստահելի դայակների եւ անվտանգության աշխատակիցների հետ է ուղարկում» Քանյե Ուեսթի եւ Բիանկա Սենսորիի հետ ճամփորդություններին
Քիմ Քարդաշյանի երեխաներին ուղեկցում են վստահելի դայակները եւ անվտանգության աշխատակիցներ, երբ նրանք հոր՝ Քանյե Ուեսթի եւ նրա կնոջ՝ Բիանկա Սենսորիի հետ մեկնում են ճամփորդության։
Ինչպես նշում է The Sun-ը, դա պայմանավորված է նրանով, որ Քիմին անհանգստացնում է նախկին ամուսնու պահվածքը։ «Քիմը երբեք թույլ չի տալիս իր երեխաներին գնալ Քանյեի հետ առանց վստահելի դայակների եւ անվտանգության աշխատակիցների»,-ասում է աղբյուրը:
Քանյեն դեմ է Քիմի՝ իրենց երեխաներին հրապարակայնորեն ներկայացնելու մոտեցմանը։
Մինչ Քիմը երեխաներին ներգրավում է իր ռեալիթի շոուում եւ սոցիալական ցանցերում, ռեփերը որոշել է նրանց բեմ հանել՝ ասելով, որ նրանք ավելի շատ հաճույք են ստանում դրանից, քան հեռուստատեսությունից:«Քանյեն խաղում է իր սեփական խաղը. նա դեմ է, որ Քիմը երեխաներին ներգրավի ընտանեկան ռեալիթի շոուներում եւ TikTok-ում, ուստի նա նրանց բեմ է բարձրացնում... Բոլորը կարծում են, որ սա ուշադրություն գրավելու նրա նոր միջոցն է»,-նշել է ինսայդերը:
Անցյալ ամիս 11-ամյա Նորթը հոր՝ Քանյեի հետ բեմ է բարձրացել Հարավային Կորեայում։ Շոուն ուղիղ եթերով հեռարձակվում էր Քանյեի YouTube-ի էջով, որի միջոցով ԱՄՆ-ում եւ ամբողջ աշխարհում երկրպագուները տեսան, թե ինչպես էին Yeezy-ի հիմնադիրիը եւ նրա դեռահաս դուստրը ոգեւորում հազարավոր երկրպագուներ Սեուլի Գոյանգ մարզադաշտում:
«Քիմն ավելի ու ավելի է անհանգստանում՝ Քանյեի եւ Բիանկայի պահվածքի պատճառով»,-ասում է ռեալիթի աստղին մոտ կանգնած աղբյուրը։ «Ամեն շաբաթ ինչ-որ նոր բան է կատարվում, եւ նա վախենում է, որ այլեւս առողջ միջավայր չի կարողանա ապահովել երեխաների համար: Նա ուղղակիորեն չի շփվում Քանյեի հետ. նրանք շփվում են դայակների, [նրա մայրիկի] Քրիսի կամ փաստաբանների միջոցով, բայց Նորթը ուղարկում է իր լուսանկարներն ու տեսանյութերը, որտեղ նա իր հայրիկի հետ է: Կարծես Քիմը ցանկանում է անձամբ տեսնել, թե ինչ է կատարվում. նա ասում է, որ ցանկանում է շտապ հանդիպել նրանց երկուսի հետ՝ քննարկելու համատեղ խնամքի հարցը եւ որոշ նոր հիմնական կանոններ սահմանելու համար»:
