Պաշտպանության նախարար. Իրանը թույլ չի տա որևէ ոտնձգություն Հայաստանի հետ սահմանի նկատմամբ
Իրանի պաշտպանության նախարար Ազիզ Նասիրզադեն տարածաշրջանային սահմանների տարածքային ամբողջականության և կայունության պահպանումն անվանել է Թեհրանի քաղաքականության անփոփոխ սկզբունքներից մեկը, հաղորդում է Mehr-ը։
Հայաստանի պաշտպանության նախարար Սուրեն Պապիկյանի հետ հանդիպմանը իրանցի պաշտոնյան ընդգծել է երկու երկրների հարաբերությունների ռազմավարական կարևորությունը և հայտարարել, որ Հայաստանը հատուկ տեղ է գրավում Իրանի հարևանության քաղաքականության մեջ։
Նա տարածաշրջանային սահմանների տարածքային ամբողջականության և կայունության պահպանումն անվանել է Իրանի քաղաքականության անփոփոխ սկզբունքներից մեկը։
Իրանի նախարարը հայտարարել է, որ Իրանի և Հայաստանի միջև սահմանը երկու երկրների միջև հաղորդակցության պատմական աղբյուր է, և Թեհրանը թույլ չի տա որևէ ոտնձգություն այդ սահմանի նկատմամբ։
