Հայհոյախառն բառապաշարով ոչ մեկ թող չփորձի մրցակցել ինձ հետ, ես 5 ՔԿՀ-ներում երկար ժամանակ անցկացրած մարդ եմ. Փաշինյանը կոչ արեց փոխադարձ հրաժարվել այդ գործելաոճից
- Ani
- Jul 16
- 1 min read
Հայհոյանքն ինչ է՝ փաստարկի բացակայություն, և իմ առաջարկն է՝ եկեք դադարեցնենք դա. ասուլիսին հայտարարեց Նիկոլ Փաշինյանը, հավելելով, որ կա՛մ ընդհանրապես հրաժարվում են այդ գործելաոճից, կա՛մ ընդունում են, որ այդ գործիքակազմը կա։
Նա նշեց, որ երբ իրենք անցան նման բառապաշարով գրառումների, մարդիկ ասում էին՝ ոնց է հնարավոր երկրի ղեկավարը, նրա ընտանիքի անդամը նման բան անի։
«Բայց հետաքրքիր բան պարզվեց, երբ այդ ամենն ասում էին մեր հասցեին, այդ թվում՝ քաղաքական մակարդակում, մենք այդ ժամանակ երկրի ղեկավար չէինք, բայց երբ մենք ենք ասում, դառնում ենք երկրի ղեկավար։ Ամենատխուրն այն է, որ այս մոտեցումը ցույց տվեց իր արդյունավետությունը, որովհետև երբ մարդիկ մտածում են՝ չի կարող ուժեղացված դոզաներով հակադարձում լինել, իրենց շատ անկաշկանդ են զգում, բայց ես ասում եմ, որ ո՛չ չի կարող այդպես լինել։ Մենք կորոշնեք՝ ում, երբ, ինչպես և ինչ դոզայով, բայց իմացեք, որ այդ գործիքակազմը այլևս կա, կամ՝ ես անում եմ ուրիշ առաջարկ․ եկեք ընդհանրապես հրաժարվենք այդ գործելակերպից»,-ասաց նա։
Փաշինյանը նշեց, որ ակնհայտ է՝ ՀՀ-ում քննադատության սահմանափակում չկա․ «Այո՛, սուր, քննադատաբար, կոշտ, բայց այնուամենայնիվ եկեք հայհոյախոսությանը վերջ տանք։ Եթե սաղմոսը, աղոթքը, սերը, կոչն ու հորդորը չի անցնում... Այդ բառապաշարով ոչ մեկ թող չփորձի մրցակցել ինձ հետ, ես 5 ՔԿՀ-ներում երկար ժամանակ անցկացրած մարդ եմ՝ բանասիրական և բանահյուսական հետաքրքրություներով, պետք չէ պանդորայի արկղը բացել, եթե մեկը մտածում է, որ հարուստ բառապաշար ունի, կարող է աղքատիկ վիճակում հայտնվել»։
Նա նշեց, որ միևնույն է՝ իքս պահի դադարելու է. «Սեպը սեպով հանելու տրամաբնությամբ մի դրդեք մեզ, որ գնանք, որ բոլորն ասեն՝ հա ոնց որ էտքան էլ լավ չի։ Նենց չի, որ հրադադարը դադարեցրել եմ, բայց ցանկացած պահի, ի վերջո, կաթիլ կաթիլ լցվում է, և ջուրը թափվում է։ Եկեք չանենք դա»,-ասաց նա։
