Ինչու՞ են կանայք հրաժարվում բիկինիի հատվածում էպիլացիա անելուց

Մարմնի մազերի նկատմամբ վերաբերմունքը տարիների ընթացքում փոխվել է, և այժմ այն իսկական հեղափոխություն է ապրում: Եթե առաջ թևատակերն ու ոտքերը մազահեռացման հիմնական օբյեկտներն էին, իսկ սեռական գոտիներում մազերը տաբու էին, 2025 թվականին միտումը կտրուկ փոխվել է. սկսվել է «լիարժեք աճի» դարաշրջանը, գրում է Hypebae-ն:

Տարվա սկզբին TikToker-ներից մեկը տեսանյութ էր հրապարակել, որում պատմում էր, թե ինչպես է Etsy-ում արձագանքը փոխել իր պատկերացումները մարմնի բնականության վերաբերյալ: Արձագանքի հեղինակը ցուցադրել է բիկինիով լուսանկար՝ սեռական տարածքի ամբողջովին բնական մազերով, և այդպես ծնվել է «լիարժեք աճը բիկինիում» մեմը: Այն, ինչ սկսվել էր որպես կատակ, արագ վերածվել է լուրջ քննարկման ինքնաընդունման և կանանց վստահության ընդլայնման մասին:

Այս ամիս Billie ապրանքանիշը, որը մասնագիտացած է կանանց համար սափրվելու միջոցների մեջ, թողարկել է սահմանափակ հավաքածու՝ դիզայներ Իան Չարմսի հետ համագործակցությամբ: Կապսուլային հավաքածուն ներառում է բիկինի՝ ուլունքներով, որոնց վրա գրված է  «I love fuzz» և «Bushkini» բառերը: Մամուլի հաղորդագրության մեջ ընկերությունը նշել է, որ արշավը նպատակ ունի աջակցել բոլոր կանանց՝ անկախ նրանից, թե նրանք լիովին սափրված են, մազերով, թե ինչ-որ միջանկյալ վիճակում են։

Սոցիալական ցանցերում «bush summer» թեման մեծ թափ է հավաքում, մարդիկ հրաժարվում են ածելիներից և հպարտորեն ցուցադրում են իրենց բնական տեսքը՝ ոգեշնչելով ուրիշներին հետևել իրենց օրինակին։