Պուտինը Լուկաշենկոյի հետ քննարկել է Ալյասկայում Թրամփի հետ հանդիպման արդյունքները

Բելառուսի և Ռուսաստանի նախագահները քննարկել են տարածաշրջանում ստեղծված իրավիճակը՝ հաշվի առնելով Ալյասկայում կայացած բանակցությունները, հայտնում է Լուկաշենկոյին մոտ կանգնած «Пул Первого» Telegram-ալիքը։

Ռուսաստանի ղեկավարը մանրամասն տեղեկացրել է բելառուս գործընկերոջը Ռուսաստան-ԱՄՆ կայացած գագաթնաժողովի արդյունքների մասին։

Պետությունների ղեկավարները զրույցի ընթացքում անդրադարձել են նաև ռուս-բելառուսական երկկողմ հարաբերությունների առանձին հարցերի։

Հիշեցնենք, որ ԱՄՆ-ի և Ռուսաստանի նախագահների հանդիպումը կայացել է օգոստոսի 15-ին ամերիկյան Ալյասկա նահանգի Անքորիջ քաղաքում։ Այդ գագաթնաժողովի արդյունքներով՝ պետությունների ղեկավարները հրադադարի մասին որոշում չեն կայացրել։ Թրամփը նշել է, որ կան չկարգավորված հարցեր։

Երկուշաբթի՝ օգոստոսի 18-ին, արդեն Սպիտակ տանը կկայանա ԱՄՆ նախագահի հանդիպումը ուկրաինացի գործընկերոջ՝ Վլադիմիր Զելենսկու հետ։ Նրանց կմիանան նաև եվրոպացի առաջնորդները։