Թրամփ. Ծննդյան հիմքով քաղաքացիությունը կապված է ստրկության հետ, Գերագույն դատարանը կչեղարկի այն
- Ani
- Apr 18
- 1 min read
Ամերիկյան վարչակազմը հեշտությամբ կհաղթի Գերագույն դատարանում երկրում ծննդյան հիմքով քաղաքացիության իրավունքը վերացնելու գործը, քանի որ այն կապված է ստրկության հետ: Նման կարծիք է հայտնել ԱՄՆ նախագահ Դոնալդ Թրամփը՝ Սպիտակ տանը պատասխանելով լրագրողների հարցերին։
Նրան հարցրել են, թե վստա՞հ է, որ դատարանն իր օգտին վճիռ կկայացնի և թույլ կտա վերացնել այս իրավունքը: «Կարծում եմ, որ այս դեպքը սխալ է ընկալվել: Ծննդյան հիմքով քաղաքացիության այս իրավունքը կապված է ստրկության հետ: Եթե դրան նայեք այս տեսանկյունից, մարդիկ դա հասկանում են: Բայց ինչ-ինչ պատճառներով իրավաբաններն այս մասին չեն խոսում, լրատվամիջոցները չեն հայտնում այդ մասին»,- ընդգծել է պետության ղեկավարը: Եթե հարցին այսպես նայեք, շարունակել է նա, «այս գործը հեշտ է հաղթել»։
Հունվարի 20-ին իր երդմնակալության արարողությունից հետո Թրամփը ստորագրել է գործադիր հրաման, որը սահմանափակում է ծննդյան հիմքով քաղաքացիության իրավունքը: Փաստաթուղթը նախատեսում է անօրինական ներգաղթյալների երեխաներին ծննդյան իրավունքով ԱՄՆ քաղաքացիություն շնորհելու սահմանափակումներ։
Հաջորդ օրը 22 նահանգների իշխանությունները դիմել են ամերիկյան դատարաններին՝ վիճարկելու հրամանագիրը։ Դրանից հետո տարբեր նահանգների մի քանի դատարաններ ժամանակավորապես արգելափակեցին փաստաթուղթը։ Մարտի կեսերին Վաշինգտոնի վարչակազմը Գերագույն դատարանին խնդրել է չեղարկել ստորադաս դատարանի վճիռները, որոնք արգելափակում էին հրամանը: Գերագույն դատարանն ասել է, որ կլսի երկու կողմերի փաստարկները:
