«Kiss cam»–ը չի փչացրել նրանց ամուսնությունը. Astronomer-ի նախկին գործադիր տնօրենը և նրա կինը ռոմանտիկ պիկնիկի ժամանակ
- Ani
- Oct 1
- 1 min read
Astronomer-ի նախկին գործադիր տնօրեն Էնդի Բայրոնը և նրա կինը՝ Մեգան Քերիգանը, դեռևս միասին են՝ չնայած Coldplay-ի համերգի ժամանակ աղմուկ հանած kiss cam – սկանդալին։
The Daily Mail-ը հրապարակել է զույգի լուսանկարը լողափում ռոմանտիկ զբոսանքի և մայրամուտի պիկնիկի ժամանակ։ Էնդին և Մեգանը՝ երկու որդիների ծնողները, վայելել են երեկոն հարմարավետ սվիտերներով, պառկել արևային շեզլոնգների վրա՝ նախուտեստներով և գազավորված ըմպելիքներով, իսկ ավելի ուշ ձեռք ձեռքի տված զբոսնել են առավոտյան փողոցներով։
Հիշեցնենք, որ հուլիսին Բայրոնը ուշադրության կենտրոնում էր, երբ նրան նկատեցին Բոստոնում Coldplay-ի համերգին՝ գրկախառնվելով իր նախկին գործընկերոջ՝ ընկերության PR տնօրեն Քրիստին Կաբոյի հետ։ kiss cam–ը նրանց ցուցադրել էր հսկայական էկրանին, և այդ պահը անմիջապես տարածվել էր սոցիալական ցանցերում։ Քրիս Մարտինն ինքը կատակով նշել էր. «Կամ նրանք հանդիպում են, կամ շատ ամաչկոտ են»։
Սկանդալից հետո Բայրոնը և Կաբոն հրաժարական տվեցին։ Լրատվամիջոցներում լուրեր էին շրջանառվում, որ նրանք սիրավեպ ունեն, սակայն Քրիստինին մոտ կանգնած աղբյուրները պնդում էին, որ նրանց հարաբերությունները բարեկամական են, չնայած «համերգի ժամանակ ղեկավարիդ գրկելը» ակնհայտորեն տեղին չէր թվում։
Միևնույն ժամանակ, Կաբոն ինքը դժվարին ժամանակաշրջան էր ապրում. օգոստոսին նա ամուսնալուծության դիմում ներկայացրեց ամուսնուց՝ գործարար Էնդրյու Կաբոյից։
Մինչդեռ Մեգանը միջադեպից հետո ջնջել է ամուսնու անունը սոցիալական ցանցերից և նույնիսկ տեղափոխվել Մասաչուսեթսի իրենց տնից։
Սակայն վերջին լուսանկարներից դատելով՝ զույգը կարողացել է հաղթահարել ճգնաժամը և որոշել է երկրորդ հնարավորություն տալ իրենց ամուսնությանը։
