Ռոնալդուն կինոստուդիա է հիմնել
- Apr 10, 2025
- 1 min read
Սաուդյան Արաբիայի «Ալ-Նասրի» և Պորտուգալիայի հավաքականի հարձակվող Կրիշտիանու Ռոնալդուն և բրիտանացի կինոռեժիսոր Մեթյու Վոնը ստեղծել են UR•Marv համատեղ անկախ կինոստուդիան։ Այս մասին Ռոնալդուն հայտնել է X-ի սոցիալական ցանցում։
«Սա հետաքրքիր նախաձեռնություն է ինձ համար, քանի որ ես անհամբեր սպասում եմ բիզնեսում նոր մեկնարկների»,- ասել է Ռոնալդուն:
«Կրիշտիանուն ֆուտբոլային խաղադաշտում ստեղծում է պատմություններ, որոնք ես երբեք չէի կարող գրել: Ես անհամբեր սպասում եմ նրա հետ ոգեշնչող ֆիլմեր նկարահանելուն, նա իսկական սուպերհերոս է», - ասել է Վոնը:
UR•MARV-ի միջոցով Ռոնալդուն և Վոնը համաֆինանսավորել և արտադրել են երկու մարտաֆիլմ և պատրաստվում են սկսել սերիայի երրորդ ֆիլմի նկարահանումները: Նրանք անհամբեր սպասում են առաջին ֆիլմի անոնսին։
