Պուտինը շնորհավորել է Ալիևին Հայրենական մեծ պատերազմում տարած հաղթանակի 80-ամյակի կապակցությամբ
- Ani
- May 3
- 1 min read
Ռուսաստանի նախագահ Վլադիմիր Պուտինը շնորհավորական նամակ է հղել Ադրբեջանի նախագահ Իլհամ Ալիևին՝ Հայրենական մեծ պատերազմում Հաղթանակի 80-ամյակի կապակցությամբ, հաղորդում են ադրբեջանական լրատվամիջոցները։
«Հարգելի Իլհամ Հեյդարովիչ,
Սրտանց շնորհավորում եմ ձեզ Հայրենական մեծ պատերազմում տարած հաղթանակի 80-ամյակի կապակցությամբ։
Այս տարեդարձը նշելով՝ մեր երկրների քաղաքացիները հարգանքի տուրք են մատուցում նրանց հիշատակին, ովքեր մարտադաշտերում և թիկունքում, չխնայելով ո՛չ իրենց ուժը, ո՛չ էլ կյանքը, մոտեցրին հաղթանակը նացիստական զավթիչների նկատմամբ։
Վստահ եմ, որ այդ դժվարին տարիներին ձևավորված բարեկամության և փոխօգնության փառահեղ ավանդույթները կշարունակեն ծառայել որպես հուսալի հիմք Ռուսաստանի և Ադրբեջանի միջև բարեկամական, դաշնակցային հարաբերությունների զարգացման համար։
Խնդրում եմ Ձեզ ադրբեջանական հողում ապրող բոլոր վետերաններին փոխանցել անկեղծ երախտագիտության խոսքեր, սրտանց շնորհավորանքներ, առողջության, բարգավաճման և երկարակեցության մաղթանքներ», - Պուտինի նամակի տեքստը մեջբերում են ադրբեջանական լրատվամիջոցները։
