Սաակաշվիլիին և նրա անվտանգության նախկին պետին պարտավորեցրել են ավելի քան 3 մլն դոլար վճարել
Sep 29, 2025
1 min read
Թբիլիսիի քաղաքային դատարանը Վրաստանի նախկին նախագահ Միխեիլ Սաակաշվիլիին և նրա նախկին անվտանգության պետ Թեյմուրազ Ջանաշիային պարտավորեցրել է պետական գանձարան վճարել մինչև 9 միլիոն լարի (ավելի քան 3 միլիոն դոլար)՝ նրա նախագահության ընթացքում կատարված հափշտակությունների համար, հաղորդում է վրացական «Ինտերպրեսնյուս» լրատվական գործակալությունը։
Դատավճիռը կայացրել է դատավոր Ալեքսանդր Գզիրիշվիլին։ Համապատասխան հայցը ներկայացրել է Վրաստանի ֆինանսների նախարարությունը։ Նախարարությունը պնդում է, որ քանի որ Սաակաշվիլին և Ջանաշիան մեղավոր են ճանաչվել 2025 թվականի մարտին մոտ 9 միլիոն լարի յուրացնելու մեջ, ապա այդ գումարը պետք է վերադարձնեն գանձարան։
