«Mercedes»-ի վարորդի մոտ հայտնաբերվել են կաթուցիչ և «Մարիխուանա» տեսակի թմրամիջոց
- Ani
- Aug 11
- 1 min read
SHAMSHYAN.com-ի տեղեկություններով՝ օգոստոսի 5-ին թմրանյութի հայտնաբերման դեպք է տեղի ունեցել Գեղարքունիքի մարզում։ Դրախտիկ բնակավայրում կանգնեցվել է «Mercedes» մակնիշի ավտոմեքենա։Վարորդը՝ Երևանի բնակիչ 34-ամյա Հարություն Խ․-ն, ոստիկանների ու պարեկների բանավոր պահանջով իր հագին եղած կիսատաբատի գրպանից ներկայացրել է 1 հատ կաթուցիչ և 1 հատ թղթյա փաթեթ՝ լցված դեղնականաչավուն մանրացված զանգվածներով, որտեղ կաթուցիչի կշիռը կազմել է 2․17 գրամ, իսկ թղթյա փաթեթի մեջ առկա զանգվածը կազմել է 0․28 գրամ։Վերջինը ոստիկաններին ու պարեկներին հայտնել է, որ ապակյա կաթուցիչի և թղթյա փաթեթի մեջ առկա զանգվածները հանդիսանում են «Մարիխուանա» տեսակի թմրամիջոց, պատկանում է իրեն և այն շուրջ մեկ ամիս առաջ ձեռք է բերել Երևան քաղաքի Մալաթիա-Սեբաստիա թաղամասի Հաղթանակի փողոցում գտնվող դաշտամիջյան հատվածից՝ «Կանեփ» տեսակի բույսից քաղելու միջոցով՝ իր անձնական գործածման համար։
