Պեսկովը՝ Ադրբեջանում զանգվածային ձերբակալությունների մասին
- Ani
- Jul 7
- 1 min read
Ռուս դիվանագետները մշտական կապի մեջ են ադրբեջանական կողմի հետ և պաշտպանում են ձերբակալված ռուսների շահերը, հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է «Ռիա Նովոստի»-ն։
«Մեր դեսպանատները և մեր դիվանագիտական գերատեսչությունները մշտական կապի մեջ են ադրբեջանական կողմի հետ և պաշտպանում են ձերբակալված ռուսների շահերը՝ օգտագործելով օրենքով և գործող դիվանագիտական պրակտիկայով տրված բոլոր հնարավորությունները», - ասել է Պեսկովը։
ՌԴ նախագահի մամուլի քարտուղարը նշել է ․ «Մենք կարծում ենք, որ տրամաբանությունը միայն մեկ բան է ասում՝ Ռուսաստանը և Ադրբեջանը ամենամոտ գործընկերներն են, դաշնակիցներն ու երկրները, որոնք միավորված են ընդհանուր պատմությամբ, ընդհանուր ներկայով և ընդհանուր ապագայով»։
Հիշեցնենք` Ադրբեջանում «Sputnik–Ադրբեջան»-ի գործով ձերբակալված յոթ անձանցից հինգը՝ Ադրբեջանի քաղաքացիներ, ազատ են արձակվել գրավի դիմաց։ Կալանքի տակ են շարունակում մնալ գործակալության ռուսաստանցի ղեկավարներ Իգոր Կարտավիխը և Եվգենի Բելոուսովը։ Նրանք մեղադրվում են ապօրինի ձեռնարկատիրության, եկամուտների լվացման և օտարերկրյա շահեր սպասարկելու մեջ։
