Այսօր դերասաններ Վաչե Երիցյանի եւ Սրբուհի Բալայանի հարսանիքն է

Այսօր դերասաններ Վաչե Երիցյանի եւ Սրբուհի Բալայանի հարսանիքն է: Զույգի համար կարեւորագույն օրվա կադրերից մի քանիսը հայտնվել են նրանց ինստագրամյան էջերում:

Երեկ նրանք համատեղ տեսանյութ էին տեղադրել՝ տեղեկացնելով՝ «Վաղը կարեւորագույն օր է… Երջանիկ լինելու մասին օր»:

Հարսանիքի համար Վաչեն եւ Սրբուհին ընտրել են դասական կերպարներ, թեեւ դերասանն ավանդական սպիտակ վերնաշապիկի փոխարեն՝ սեւ կոստյումի ներքո կրում է սեւ շապիկ:

Հարսնացուն նուրբ սպիտակ զգեստով է՝ մինիմալիստական լուծումներով վերնամասով եւ կլոր շրջազգեստով: Նրա մուգ մազերը կիսատ են հավաքված, իսկ դիմահարդարումը նուրբ վարդագույն երանգների մեջ է՝ համապատասխանելով նրա տոնական ծաղկեփնջին:

Հավելենք, որ Վաչեի սիրո առաջարկը բավական հետաքրքիր է եղել՝ մեկ տարի առաջ, ինքնաթիռում՝ հենց թռիչքի ժամանակ: