Հաճախականության օգտագործման լիցենզիա են տվել ռադիոհեռարձակող ընկերությանը
- May 27, 2025
- 1 min read
Հեռուստատեսության և ռադիոյի հանձնաժողովը հաղորդագրություն է տարածել․
«Մայիսի 27-ին Հեռուստատեսության և ռադիոյի հանձնաժողովում տեղի ունեցավ հերթական նիստը, որի օրակարգում ընդգրկված էր մեկ հարց ` Լսողական ծրագրի հաճախականության օգտագործման լիցենզավորման մայրաքաղաքային սփռման մրցույթի մասնակիցների հայտերի վարկանիշային քվեարկությունը և հաղթողի ընտրությունը:
Վարկանիշային փակ քվեարկության արդյունքներով մրցույթի հաղթող ճանաչվեց «ՌԱԴԻՈ ՎԱՅԲ» ՍՊԸ-ն, որը ստացավ 113 միավոր:
Մրցույթին մասնակցել են հետևյալ ընկերությունները՝
«ԷԳԱԼԻՏԵ» ՍՊԸ - 97 միավոր
«ՄԵՏԵՈ ԹԻ-ՎԻ ՀԵՌՈՒՍՏԱԸՆԿԵՐՈՒԹՅՈՒՆ» ՍՊԸ - 100 միավոր
«ՊԻԱՆՈ ԳՐՈՒՊ» ՍՊԸ - 94 միավոր
«ՌԱԴԻՈ ՎԱՅԲ» ՍՊԸ - 113 միավոր
Մինչ քվեարկությունը, մրցույթին ներկայացված հայտերը նախապես ուսումնասիրվել են հանձնաժողովի կողմից՝ ըստ օրենքով սահմանված չափորոշիչների։
Մրցույթն իրականացվել է համաձայն «Տեսալսողական մեդիայի մասին» օրենքին ՝ ապահովելով թափանցիկ, հավասար և մրցակցային միջավայր բոլոր դիմորդների համար»։
