ԱԱ. Արման Անդրեասյանը քառորդ եզրափակիչում է

Աշխարհի առաջնության բրոնզե մեդալակիր, Եվրոպայի չեմպիոն Արման Անդրեասյանը դուրս եկավ Զագրեբում ընթացող ազատ ոճի ըմբշամարտի աշխարհի առաջնության քառորդ եզրափակիչ: 

70 կգ քաշայինների 1/8 եզրափակիչում Արման Անդրեասյանը գոտեմարտեց Սերբիայի ներկայացուցիչ Վիկտոր Ստիվեն Վոինովիչի հետ եւ վստահ հաղթանակ տարավ 4:1 հաշվով: 

Աշխարհի բրոնզե մեդալակիրը որակավորման փուլում 5:5 հաշվով կամային հաղթանակ էր տարել Տաջիկստանը ներկայացնող, ռուս Վիկտոր Ռասադիի նկատմամբ: 

Հաբեթնակ Կուրղինյանի գլխավորած թիմից հաղթանակով է մեկնարկել նաեւ 61 կգ քաշային Մանվել Խնձրցյանը: Որակավորման փուլում Եվրոպայի բրոնզե մեդալակիրը 6:1 հաշվով պարտության է մատնել իտալացի Սիմեն Վինչենցո Պերոդուին: 

1/8 եզրափակիչում Խնձրցյանի մրցակիցը կլինի Տոկիոյի Օլիմպիական խաղերի չեմպիոն, աշխարհի կրկնակի չեմպիոն, Եվրոպայի գործող չեմպիոն, UWW-ի դրոշի ներքո հանդես եկող ռուս Զաուր Ուգուեւը: