Թրամփը հայտարարել է, որ «այժմ պետք չէ մտածել Պուտինի համար լուրջ հետևանքների մասին»
- Ani
- Aug 16
- 1 min read
Fox News հեռուստաալիքի թղթակից Շոն Հեննիթին Ալյասկայում նախագահ Դոնալդ Թրամփի հետ հարցազրույցում նրան հիշեցրել է այս շաբաթվա սկզբին արած իր նախազգուշացումը՝ Ռուսաստանի նախագահ Վլադիմիր Պուտինի համար «լուրջ» հետևանքների մասին։
Լրագրողը ենթադրել է, որ Պուտինի կարծիքով՝ Ռուսաստանի համար լուրջ հետևանքները կնշանակեն, որ այլ խոշոր երկրներ կպատժվեն ռուսական նավթ գնելու համար։
«Այսօր տեղի ունեցածի պատճառով՝ չեմ կարծում, որ պետք է դրա մասին մտածեմ։ Հնարավոր է՝ ստիպված լինեմ դրա մասին մտածել երկու կամ երեք շաբաթից կամ ինչ-որ տեղ։ Բայց մենք այսօր դրա մասին մտածելու կարիք չունենք։ Կարծում եմ՝ հանդիպումը շատ լավ անցավ», - ասել է ԱՄՆ նախագահը։
Հիշեցնենք, որ Ալյասկայում ԱՄՆ-ի և Ռուսաստանի առաջնորդների հանդիպումը ավարտվել է առանց Ուկրաինայում հրադադարի համաձայնագրի կնքման։ Թրամփը հայտարարել է, որ հիմա «ամեն ինչ կախված է Զելենսկուց»։ ԱՄՆ-ի և Ռուսաստանի նախագահները համաձայնել են շուտով կրկին հանդիպել։ Պուտինը Թրամփին հրավիրել է Մոսկվա։
