Շանթ Սարգսյանը հաղթել է Մաքսիմ Վաշիե-Լագրավին

Ուզբեկստանի Սամարղանդ քաղաքում ընթացող «Գրանդ Սվիս 2025» շախմատի մրցաշարի 6-րդ խաղափուլում Շանթ Սարգսյանը հաղթել է 2738 վարկանիշ ունեցող Մաքսիմ Վաշիե-Լագրավին:

Ինչպես հայտնում են Հայաստանի շախմատի ֆեդերացիայից, այս հաղթանակից հետո Շանթ Սարգսյանը 6 հնարավորից ունի 4 միավոր և հաջորդ խաղափուլում կմրցի ադրբեջանցի Շահրիար Մամեդյարովի հետ:

Ռոբերտ Հովհաննիսյանը ունի 3 միավոր, Արամ Հակոբյանը և Գաբրիել Սարգսյանը՝ 2.5 միավոր, իսկ Հայկ Մարտիրոսյանը՝ 2 միավոր:

Մրցաշարի միանձնյա առաջատարն է շարունակում մնալ Իրանի ներկայացուցիչ Պարհամ Մագսուդլուն, ով ունի 5 միավոր։

Կանանց մրցաշարում Էլինա Դանիելյանը ունի 3 միավոր, իսկ Լիլիթ Մկրտչյանը՝ 2 միավոր։

Առաջատարներն են Վաիշալի Ռամեշբաբուն և Եկատերինա Լահնոն, ովքեր ունեն 5 միավոր։