Դեմքը «չափից դուրս ձգված է». Ջեսիկա Սիմփսոնին քննադատել են MTV Video Music Awards 2025–ում իր տեսքի համար
- Ani
- 18 hours ago
- 1 min read
Ջեսիկա Սիմփսոնը ֆուրոր է արել 2025 թվականի MTV Video Music Awards-ում, բայց ոչ միայն իր հիասքանչ Christian Siriano զգեստի պատճառով: 45-ամյա երգչուհին և նորաձևության դիզայները քննարկումների փոթորիկ են առաջացրել սոցիալական ցանցերում՝ իր արտաքին տեսքի պատճառով, որը շատ երկրպագուներ հազիվ թե ճանաչեին:
«Սա՞ է Ջեսիկա Սիմփսոնը: Նա ընդհանրապես նման չէ իրեն: Բայց նա հիանալի տեսք ունի», - գրել է X-ի օգտատերերից մեկը:
Մյուսները նրան համեմատել են երիտասարդ աստղերի հետ, այդ թվում՝ TikToker Addison Rae-ի և մոդել Բրուքս Նադերի հետ:
Հատկապես վիճահարույց էր այն պահը, երբ Սիմփսոնը Ռիկի Մարտինին հանձնել է առաջին Latin Icon Award մրցանակը: Շատ հեռուստադիտողներ նշել են, որ նրա դեմքը «չափից դուրս ձգված» տեսք ունի:
«Ջեսիկա Սիմփսոնը շատ է ձգել դեմքը», - ենթադրել է մի երկրպագու: Մեկ այլ երկրպագու կատակել է. «Կարծես թե նա ալերգիա ունի ժամկետանց Chicken of the Sea թյունոսի նկատմամբ», հիշելով նրա պաշտամունքային խոսքերը «Նորապսակներ» ռեալիթի շոուից:
Կային նաև որոշակի քննադատություններ. որոշ երկրպագուներ կոչ են արել երգչուհուն հրաժարվել հետագա վիրահատություններից, մինչդեռ մյուսները պաշտպանել են նրան. «Նա հիանալի տեսք ունի։ Նա 45 տարեկան է, դադարեք նրան համեմատել 2000-ականների հետ», - գրել է երկրպագուն։
Հիշեցնենք, որ Ջեսիկան անցյալում բացահայտ խոսել է պլաստիկ վիրահատությունների հետ կապված իր փորձի մասին։ Իր 2020 թվականի «Բաց գիրք» հուշագրությունում երգչուհին խոստովանել է, որ երկու վիրահատություն է տարել որովայնի ճարպը հեռացնելու համար, որոնցից մեկի ժամանակ մա մահից է փրկվել։
