Պուտինին զանգահարելու մտադրություն չունեմ. Մերց

Գերմանիայի կանցլեր Ֆրիդրիխ Մերցը հայտարարել է, որ չի մտադիրվում հեռախոսազրույց ունենալ Ռուսաստանի նախագահ Վլադիմիր Պուտինի հետ, ենթադրաբար այն մտավախությունների պատճառով, որ դա կհանգեցնի Ուկրաինայում իրավիճակի սրման, գրում է «Ռիա Նովոստի»-ն:

Մերցը նշել է, որ Ռուսաստանը, ակտիվացրել է ռազմական գործողություններն Ուկրաինայում Հունգարիայի վարչապետ Վիկտոր Օրբանի Մոսկվա այցից և Գերմանիայի նախկին կանցլեր Օլաֆ Շոլցի և Պուտինի միջև հեռախոսազրույցից հետո։

«Այսպիսով, եթե սա նման հեռախոսազանգերի արդյունք է, ես երկար ժամանակ կխուսափեմ դա անելուց», - ասել է կանցլերը՝ պատասխանելով այն հարցին, թե արդյոք նա պլանավորում է զանգահարել Ռուսաստանի նախագահին։

Ավելի վաղ ՌԴ նախագահ Վլադիմիր Պուտինը ասել էր, որ եթե կանցլեր Մերցը ցանկանում է զանգահարել և խոսել, ապա Մոսկվան չի հրաժարվում շփումներից և միշտ բաց է դրա համար։