ԱԼԻԵՒՆ ԱՐԴԵՆ ԿԱԶԱՆՈՒՄ Է, Ե՞ՐԲ ԿԺԱՄԱՆԻ ՓԱՇԻՆՅԱՆԸ
- Ani
- Oct 23, 2024
- 1 min read
Գրել ենք, որ ՌԴ նախագահ Վլադիմիր Պուտինը Կազանում բացել է ԲՐԻԿՍ-ի ղեկավարների նեղ կազմով նիստը: Սպասվում է, որ հանդիպումը շարունակվի փակ դռների հետևում։
Հիշեցնենք, որ ԲՐԻԿՍ-ի գագաթնաժողովը կանցկացվի հոկտեմբերի 22-24-ը:
Ըստ ռուսական ԶԼՄ-ների, հյուրերի հիմնական մասն այսօր է ժամանում Կազան` ԲՐԻԿՍ անդամ երկրների նեղ և ընդլայնված նիստին մասնակցելու:
Երեկ Թաթարստան են մեկնել Չինաստանի, Բրազիլիայի, Հնդկաստանի և Հարավային Աֆրիկայի ղեկավարները: Այսօր Կազան է ժամանել նաև Ադրբեջանի նախագահ Իլհամ Ալիևը:
Ավելի վաղ գրել էինք, որ ԲՐԻԿՍ գագաթնաժողովին կմասնակցի նաև ՀՀ վարչապետ Նիկոլ Փաշինյանը:
Սպասվում է, որ Փաշինյանը Կազան կմեկնի վաղն առավոտյան՝ մասնակցելու ԲՐԻԿՍ+ ձևաչափով գագաթնաժողովի երկրորդ մասին, հայտնում են Սպուտնիկ Արմենիայի աղբյուրները: