Պուտինն Աբխազիայի և Հարավային Օսիայի բնակիչների համար պարզեցրել է ՌԴ քաղաքացիություն ստանալու գործընթացը
- Ani
- May 17
- 1 min read
Ռուսաստանի նախագահ Վլադիմիր Պուտինը հրամանագիր է ստորագրել Աբխազիայի և Հարավային Օսիայի բնակիչների համար Ռուսաստանի քաղաքացիություն ստանալու պայմանները մեղմացնելու մասին։ Համապատասխան փաստաթուղթը հրապարակվել է իրավական տեղեկատվության պորտալում, հաղորդում է «Коммерсантъ»-ը:
Ըստհրամանագրի՝ քաղաքացիություն ստանալ ցանկացողների համար պահանջների ցանկը կրճատվել է։ Մասնավորապես վերացվել է (բնակության թույլտվություն տրամադրելու որոշման օրվանից մինչև Ռուսաստանի քաղաքացիություն ստանալու դիմում ներկայացնելու օրը) Ռուսաստանում հինգ տարի բնակվելու պահանջը:
Աբխազիայի այն բնակիչները, որոնք մշտապես բնակվում են այնտեղ, կարող են դիմում ներկայացնել Ռուսաստանի Դաշնության դիվանագիտական ներկայացուցչությանը։ Նմանատիպ պայմաններ են նախատեսված նաև Հարավային Օսիայի բնակիչների համար իրենց տարածքում։
Ապրիլին Պուտինը հրամանագիր է ստորագրել, որով պարզեցվել էր Աբխազիայի բնակիչներին ռուսական վարորդական իրավունքի տրամադրման ընթացակարգը։ Նորամուծությունները վերաբերում են բնակության թույլտվություն կամ ռուսական անձնագիր ունեցողներին։ Նոր հրամանագիրը ուժի մեջ կլինի մինչև 2026 թվականի ապրիլը։
