Գազայում իսրայելցի զինվորները կրակ են բացել բնակիչների ուղղությամբ, զոհվել է առնվազն 32 մարդ
- Ani
- Jul 19
- 1 min read
Իսրայելցի զինծառայողները կրակ են բացել պարենային օգնության դիմած Գազայի բնակիչների ուղղությամբ, ինչի հետևանքով զոհվել է առնվազն 32 մարդ։ Այս մասին հայտնում է CNN-ը՝ հղում անելով Պաղեստինի առողջապահության նախարարությանը և ականատեսներին։
Նախարարությունը հայտնել է, որ զոհվածների մարմինները տասնյակ վիրավորների հետ տեղափոխվել են «Նասեր» բժշկական համալիր։
Հստակ չէ, թե կոնկրետ որտեղ է տեղի ունեցել հրաձգությունը։ Ականատեսներից մեկը՝ Հիշամ Դարգամը, ասել է, որ դա տեղի է ունեցել մարդասիրական օգնության բաշխման կետից մոտ 4 կիլոմետր հեռավորության վրա, որը ղեկավարում է Գազայի մարդասիրական հիմնադրամը՝ Իսրայելի և ԱՄՆ-ի կողմից աջակցվող կազմակերպությունը։
Իսրայելի պաշտպանության բանակն իր հերթին հայտարարել է, որ զինծառայողները «նախազգուշական» կրակոցներ են արձակել և հետաքննում են զոհերի մասին տեղեկությունները։
Իսրայելի պաշտպանության բանակը հերքում է, որ շաբաթ օրը որևէ միջադեպ է տեղի ունեցել իր բաշխման կետերից որևէ մեկի «տարածքում կամ մոտակայքում»։
