Դատարկահաբն արդյունավետ է միգրենի կանխման համար. Nature Medicine
- anigevorgn
- Oct 15, 2024
- 1 min read
Updated: Oct 16, 2024
Դատարկահաբը կարող է նվազեցնել միգրենի նոպաների հաճախակիությունը եւ ինտենսիվությունը, վկայում է Nature Medicine ամսագրում հրապարակված հետազոտությունը։
Հետազոտությանը մասնակցել է քրոնիկական միգրենով տառապող 400 կամավոր։ Նրանց բաժանել են երեք խմբի։ Առաջին խմբի պացիենտները ստացել են միգրենի դեմ իսկական դեղամիջոց, իսկ երկրորդի մասնակիցները՝ դատարկահաբ ( առանց ակնհայտ բուժական հատկությունների)։ Երրորդ խումբը հանդես է եկել որպես վերահսկիչ եւ ոչ մի ազդեցության չի ենթարկվել։
Փորձաշրջանի ավարտին գիտնականները թարմացրել են մասնակիցների առողջության մասին տվյալները։ Պարզվել է, որ դատարկահաբ ընդունած մարդկանց մոտ նկատվել է միգրենի հաճախության եւ նոպաների ուժի զգալի նվազում։ Այս թերապեւտիկ արդյունքը համեմատելի է եղել իսկական դեղի ազդեցության հետ, որն ընդունել է առաջին խումբը։ Բուժում չստացած խմբում բարելավում չի նկատվել։
Գիտնականները բացատրել են, որ դատարկահաբով բուժման արդյունավետությունը կարող է կապված լինել հոգեբանական գործոնների հետ, ինչպիսին են դրական ակնկալիքները եւ հավատն արդյունավետության հանդեպ։ Այս հետազոտության արդյունքներն ընդգծում են հոգեբանական բաղադրիչի կարեւորությունը քրոնիկական հիվանդությունների, այդ թվում միգրենի բուժման ժամանակ։