ՌՈՆԱԼԴՈՒՆ ԱՇԽԱՐՀԻ ԱՄԵՆԱԲԱՐՁՐ ՎԱՐՁԱՏՐՎՈՂ ՖՈՒՏԲՈԼԻՍՏՆ Է

Սաուդյան Արաբիայի «Ալ-Նասր» ակումբի պորտուգալացի աստղ Կրիշտիանու Ռոնալդուն գլխավորել է 2024 թվականի ամենաբարձր վարձատրվող մարզիկների ցուցակը, հայտնում է Sportico-ն։

Անցած տարի Ռոնալդուն վաստակել է 260 միլիոն դոլար։ Բասկետբոլիստ Սթիվեն Քարրին զբաղեցրել է վարկանիշային աղյուսակի երկրորդ տեղը (153,8 մլն), երրորդը՝ բռնցքամարտիկ Թայսոն Ֆյուրին է (147 մլն)։ Լիոնել Մեսսին 4-րդ տեղում է՝ 135 մլն դոլար եկամուտով:

Վարկանիշի լավագույն 10-յակում են հինգ ֆուտբոլիստ, երկու բասկետբոլիստ, երկու բռնցքամարտիկ և մեկ գոլֆիստ։

Հետաքրքիր է, որ ոչ մի կին չի մտել 2024 թվականի ամենաբարձր վարձատրվող մարզիկների թոփ 100-ում: Ամենաբարձր վարձատրվող մարզուհին ամերիկացի թենիսիստուհի Կորի Գաուֆն է՝ 125-րդ հորիզոնականում։ Անցյալ տարի նրա եկամուտը կազմել է 30,4 մլն.

2024 թվականի ամենաբարձր վարձատրվող մարզիկների ցուցակը.

1. Կրիշտիանու Ռոնալդու (ֆուտբոլ) – 260 միլիոն դոլար

2. Սթիվեն Քարի (բասկետբոլ) – 153,8 մլն

3. Թայսոն Ֆյուրի (բռնցքամարտ) – 147 մլն

4. Լիոնել Մեսսի (ֆուտբոլ) – 135 մլն

5. Լեբրոն Ջեյմս (բասկետբոլ) – 133,2 մլն

6. Նեյմար (ֆուտբոլ) – 133 մլն

7. Ալեքսանդր Ուսիկ (բռնցքամարտ) — 122 մլն

8. Քարիմ Բենզեմա (ֆուտբոլ) – 116 մլն

9. Կիլիան Մբապե (ֆուտբոլ) – 110 մլն

10. Ջոն Ռահմ (գոլֆ) – 105,8 մլն դոլար