Ո՞վ է Աթենքում սպանված «օրենքով գող» Շոթիկոն․ ե՞րբ և ինչո՞ւ է դատապարտվել

Հունաստանում սպանված «օրենքով գող» Շոթա Թևդորաձեն քրեական միջավայրում հայտնի էր որպես «Շոթիկո»։

Վերջինս ծնվել է 1980 թվականի հոկտեմբերի 27-ին Քութայիսում։ Որպես «օրենքով գող»՝ թագադրվել է 2000թ-ին՝ Վրաստանում։

2003թ. մայիսի 21-ին խուլիգանության համար Քութայիսում ձերբակալվել է։ 2004 թվականի մայիսի 18-ին Քութայիսիի դատարանը 1 տարի 6 ամիս ժամկետով դատապարտել է Թևդորաձեին։ Նա կալանավայրից դուրս է եկել 2005թ-ի նոյեմբերի 21-ին։

Հիշեցնենք, որ սպանությունը տեղի է ունեցել հունվարի 2-ի գիշերը Աթենքում։ 41-ամյա Թևդորաձեի գլխին կրակել են որդու աչքի առաջ։