«Սա մեր վերջին «վեց ամիսը մեկն» է»․ Արա Վարդանյան
«Հայաստան» համահայկական հիմնադրամի նախկին տնօրեն Արա Վարդանյանի գրառումը. «Վեց ամիսը մեկ վեց ամիս է մնում։ Վեց ամիսը մեկ նոր թափով վեց ամիս ենք ապրում։ Վեց ամիսը մեկ հույսով լցված նոր վեց ամիսն ենք սպասում։ Վեց ամիսը մեկ նոր կյանք ենք սկսում։ Վեց ամիսը մեկ հուսահատվում ու նորից զինվում ենք վեց ամսվա համբերության։ Վեց ամիսը մեկ ...«Վեց ամիսը մեկ» վեց տարի անցավ։ «Վեց ամիսը մեկ» 13.000 քառակուսի կիլոմետր անհայտացավ։ «Վեց ամիսը մեկ» հինգ հազարից ավելի զինվոր անմահացավ։ Վեց ամիսը մեկ...Եվս մեկ «վեց ամիսը մեկ» ու վերջ։ Բոլոր «բեռներից» կազատվենք` հայրենիքից, հավատքից ու ապրելու իրավունքից։ Սա մեր վերջին «վեց ամիսը մեկն» է...Ճշմարությունը պարտավոր է հաղթել, փողոցին, քանզի այլ պարագայում ո՜չ ճշմարտություն կմնա, ո՜չ էլ փողոց...»։
