Թբիլիսիում ձերբակալվել են տասը ցուցարարներ, ընդդիմությունը «մոբիլ բողոք» է հայտարարել
- Ani
- Nov 19, 2024
- 1 min read
Առնվազն տասը ցուցարար ձերբակալվել է Թբիլիսիի կենտրոնում, տեղեկացրել է «Новости Грузия» պորտալը։
Ձերբակալություններն սկսվել են այն բանից հետո, երբ ոստիկանությունը ցուցարարներին քշել է Ճավճավաձեի պողոտայից եւ քանդել վրանաքաղաքը։
Լրջորեն տուժել է առնվազն երկու մարդ։ «Ախալի» ընդդիմադիր կուսակցությունը տեղեկացրել է, որ հիվանդանոց են տեղափոխել իրենց քաղխորհրդի անդամ Նիկա Քվիտատիանիին։
Դրանից հետո ընդդիմության առաջնորդները հայտարարել են «մոբիլ բողոք» Թբիլիսիում։
Ոստիկանությունը խիտ շարքով անցնում է Մելիքիշվիլու պողոտայով՝ դուրս մղելով ցուցարարներին։
Ակցիայի մասնակիցներին դիմել է «Ագմաշենեբելու ռազմավարություն» ընդդիմադիր կուսակցության առաջնորդ Գիորգի Վաշաձեն. «Շարունակում ենք շարժվել, հեռավորություն ենք պահպանում ոստիկանությունից, ոչ մի դեպքում նրանց հետ առճակատման մեջ չենք մտնում եւ նրանց ձերբակալությունների առիթ չենք տալիս»։
