ԳԱՐԵՋՐԱԳՈՐԾՆԵՐԸ ԳՈՐԾԱԴՈՒԼ ԿԱՆԵՆ․ ԻՆՉ ՊԱՀԱՆՋՆԵՐ ՈՒՆԵՆ ՆՐԱՆՔ

Ֆինլանդիայում առաջիկայում գործադուլ կանեն գարեջրագործները։ Այս մասին հայտնում է Yle լրատվամիջոցը։ Համաձայն հաղորդման, գործադուլի դուրս կգան երեք խոշորագույն ֆիննական գարեջրագործական գործարանների՝ Hartwall-ի, Olvi-ի եւ Sinebrychoff-ի աշխատակիցները։ Պահանջը՝ աշխատանքային պայմանների բարելավումն է, եւ աշխատավարձների բարձրացումը։ Արհմիությունների մոտավոր գնահատմամբ՝ գործադուլին մասնակցի մոտ հազար աշխատակից։ Գործադուլը կտեւի մի քանի օր՝ մինչեւ մարտի քսանութը։