Իտալիայի 17 քաղաքում ռեկորդային շոգ է գրանցվել, հայտարարվել է բարձր պատրաստվածության ռեժիմ
- Ani
- Jun 29
- 1 min read
Իտալիայի մի քանի շրջաններ քննարկում են օրվա ամենաշոգ ժամերին որոշ տեսակի գործունեությունն արգելելու հնարավորությունը, քանի որ ամբողջ երկրում տարածվում է ուժեղ շոգը, ինչի հետևանքով կիրակի առավոտվա դրությամբ 21 քաղաքում բարձր պատրաստվածության ռեժիմ է հայտարարվել, հայտնում է Euronews-ը։
Լացիոն, Տոսկանան, Կալաբրիան, Ապուլիան և Ումբրիան այն շրջանների թվում են, որոնք նախատեսում են այս միջոցը ձեռնարկել ջերմաստիճանի կտրուկ բարձրացման հետ կապված։ Իտալիայի առողջապահության նախարարությունը դիտարկվող 27 քաղաքներից 17-ում, այդ թվում՝ Հռոմում, Միլանում և Նեապոլում, հայտարարել է տապի պատճառով վտանգի ամենաբարձր մակարդակ։
Իսպանիայի ազգային օդերևութաբանական գործակալությունը՝ AEMET-ը, նախազգուշացրել է, որ հունիսը խոստանում է դառնալ Եվրոպայում դիտարկումների ողջ պատմության ընթացքում ամենաշոգը. Սևիլյայում և հարավային այլ քաղաքներում ջերմաստիճանը կբարձրանա մինչև 42°C։ Առողջապահական մարմինները բնակչությանը խորհուրդ են տվել շոգի պիկ ժամերին խուսափել ֆիզիկական ծանրաբեռնվածությունից և շատ հեղուկ օգտագործել, հատկապես խոցելի խմբերին, ինչպիսիք են տարեցներն ու փոքր երեխաները։
Փորձագետները Հարավային Եվրոպայում ուժեղ շոգերի հաճախականության և ինտենսիվության աճը կապում են կլիմայի փոփոխության հետ։ Բարձր ջերմաստիճան է գրանցվել նաև Հունաստանում և Պորտուգալիայում, որտեղ և՛ տեղի բնակիչները, և՛ զբոսաշրջիկները փրկություն էին փնտրում եղանակային էքստրեմալ պայմաններից։
